С.Жамбалжамц “Парис 2024”олимпийн эрхээ авсан, хагас мэргэжлийн багт уралдсан. Тэрээр Испанийн мэргэжлийн баг “Burgos BH” багтай гэрээ хийсэнт гэж Монголын дугуйн холбооноос мэдээлэв.
Ингэснээр тэрээр “World Pro tour” буюу дэлхийн мэргэжлийн шилдэг баг, тамирчид уралддаг “Vuelta a Espana”, “Giro d’Italia”, “Tour de France” зэрэг тэмцээнд оролцох боломж бүрджээ.
Энэ нь монголын дугуйн спортын түүхэнд цоо шинэ хуудсыг нээсэн байна. Монгол улс Уорлд турын түүхэнд анхны тамирчнаа бүртгүүлсэн 88 дахь гишүүн болсныг UCI онцлон зарлаж байна.
МДХолбооны 2022 оны зорилт: Монголын анхны хагас мэргэжлийн баг байгуулах
- 2023 оны гол зорилт: Олимпийн эрх авах
- 2024 оны гол зорилт: Олимпод хамгийн дээд амжилтыг үзүүлэх
- 2025 оны гол зорилт: “Уорлд тур”-ын багт Монгол тамирчдыг оруулах
- 2026 оны гол зорилт: “Тур де Франц”-д оролцох
Энэ төлөвлөгөөг С.Жамбалжамц урагшлууллаа. Мөн дугуйн топ уралдааны амжилт, чансааг мэдээлдэг https://www.procyclingstats.com/ цахим хуудсанд Сайнбаярын Жамбалжамцыг өнөөдрийн хамгийн алдартай дугуйчнаар онцолжээ.
